عيونى تبكى وقلبى يرتعش من الحزن



السلام عليكم ورحمة الله وبركاته


بسم الله والحمد الله والصلاة والسلام على سيدنا محمد عليه افضل الصلاة والسلام
واللهم احفظ مصر من كل شر واحفظ اهلها يارب العالمين ارحمنا .


كم من المحزن تلك اللحظات التى نعيشها فى بلدنا العزيزة مصر واحداث مجلس الوزراء
وتعامل الجيش مع المتظاهرين .

شىء محزن ان ترى قتل وسلب عرض وتحرش وضرب واهانه وانعدام الكرامة تلك الاطباع
لن تجدها الى فى ( الكفار )

والكفار هم الذين يتعاملوا بقسوة ولايوجد فى قلوبهم الرحمة فقط اعتقد ان التعبير خانى
فعلا التعبير خانى الكفار اللى من العصور ابى جاهل وهنظلة هم الذين لايعرفون الرحمة ولكن
كفار القرن الواحد والعشرين زاد عليهم تجريد الفتيات من ملابسهم امام اعيون الجميع
وايضا زاد عليهم التحرش والضرب بااحدث طرق عدم الرحمة .

طبعا الاهانة وانعدام الكرامة دة احنا متعودين عليه بس احنا الحمد الله عملنا ثورة كان اسمها
25 يناير والحمد الله حبسنا حسنى مبارك وحبيب العادلى واعونهم وخرجنا ماما سوزان
عشان دم الشهداء ويبطلوا قتل فينا .

والحمد الله حاليا الناس اللى بتموتنا بتحاول على قد ماتقدر تقتلنا واحدة واحدة وطرق جديدة
عموما واضح كدة ان السنة الجديدة جاية ان شاء الله المفروض ان احنا نعمل نفس الثورة فى
شهر يناير ويريت 25 برضة بس 2012 .

انا نفسى اسأل سؤال وحد يجوبنى عليه
الناس اللى بتموت دى سواء احداث ماسيبرو او اى احداث حصلت مهم كتير السؤال
مين اللى بيقتل الناس دى ؟؟؟

زى ما احنا بنشوف يعنينا الجيش او بمعنى اصح ( المجلس الاعلى لقوات المشلحة اسف المسلحة )
ولا البيانات اللى بتطلع كل مرة بعد قتل الناس ان فى بلطجية وان مفيش رصاص حى اضرب على حد عشان يموت
وناس اللى ماتت دى هما اللى قتلوا نفسهم .

طيب هو المجلس العسكرى عايز ايه هو كل ما البلد تاهده وماهتصدق نشم نفسنا يقتلونا
حتى لو مش المجلس الاعلى هو السبب فى قتل المتظاهرين الابرياء مصر ملزومة منك واحنا رعيتك
لازم تحافظ علينا وتحافظ على امور البلاد عشان انت رئسنا ولو مش حابب اومش قادر اومش عارف
سبها وارحل ولا فى حاجة انت كمان مخبيها ؟؟!!

طيب حسنى مبارك فين ؟ وحبيبب العادلى والرجالة الطعمين الحلوين دول فين ؟ كويسين
سلملي عليهم مبيتحكموش ليه ؟؟؟؟؟؟؟؟

انا حزين على بشوفه من قتل وضرب واهانه ذنب ايه الطفل اللى مات هو كمان بلطجى
اتقى الله ومن قلبى على كل ظالم حسبى الله ونعم االوكيل .

وان شاء الله ربنا هيكشف الحقيقة وكل من قتل يقتل ولو بعد حين وصدقنى داين تدان
سواء كنت ظابط عسكرى رئيس جمهورية داين تدان ذليت وضربت واهانت
هيحصل فيك كدة واكتر والدليل رئيس دولة لبيا معمر القذافى .

فى النهاية هقول كلمة بسيطة وهى :

ارحموا الشعب المصرى شوية ابعدوا عننا شوية هى عزبة بتقسموا فيها ورثتها انا خايف
لتيجوا فى يوم نرجع لاايام العبيد تانى بس انتوا بصفتكم كفار الحادى والعشرين
هتخلوا الشعب كله عبيد عندكم .

حسبى الله ونعم الوكيل فى كل ظالم ومفترى .



غير معرف في : 17 ديسمبر 2011 4:51 م يقول...

فعلا يامحمد عندك حق شىء محزن ربنا معنا ان شاء الله

تابعنا عبر الفيس بوك

 

المتابعون

Related Posts Plugin for WordPress, Blogger...

تواصلوا معنا عبر الواتس اب

تابعنا Google+ Followers

Related Posts Plugin for WordPress, Blogger...

عنوان الورشة والمعرض