السلام عليكم ورحمة الله وبركاته
اتمنى تكونوا بخير وصحة جيدة دائما مازال طريق راس البر دمياط او دمياط
راس البر مقفول من المتظاهرين بسبب مصنع اجريوم القاتل .
هذا المصنع تحت تاسيس شركات اجنبية وهذا المصنع اضراره كثيرة جدا على حياة
كل من يعيش فى دمياط او راس البر او حتى محافظات الدلتا .
ولكن التظاهر وقطع الطريق شىء يضر كثير من فئات الشعب وانا جاى النهاردة من
راس البر الى دمياط لقيت شجر محروق بعرض الطريق وناس كتير واقفة ومش فاهمة
وناس كتير بتتفرج ماعليا الموقف اللى ضيقنى ان كان فى عربية بها امراة حامل
فضل زوج المراة الحامل يتحايل على المتظاهرين عشان يعدى وصلوا لحل ان المراة الحامل
هتعدى فى عربية ابوها وزوجة مش هيعدى والله حاجة تضحك وتبكى فى نفس الوقت .
يعنى جوزها هيفضل وعربية ابوها هى اللى هتعدى طيب فيهم الخير انا عندى سؤال ؟
هو فين المحافظ هى فين الشرطة هى الناس دى مش بتسال فينا ليه مايوقفوا المصنع
ويريحوا الناس المحافظ السابق البرادعى رفض هذا المصنع رفضا تاما .
هى الحكومة لسة زى ماهى هو مين اللى بيحكم دلوقتى والله شكل حسنى مبارك هو اللى
لسه بيحكم البلد .
اين الشرطة :
الشرطة بجد مش موجودة لو موجودة منظر فقط مش بتعمل اى حاجة مش قدها يروحوا
بيتهم ويسبها لحد قدير على حمل المسئولية وحماية المواطنين اللى كل يوم بيتسرقوا
من البلطجية اللى نصهم من الشرطة .
فى النهاية اتمنى السلامة لمصر العزيز وشكرا .
مازال طريق راس البر مغلق حتى الان ربنا يستر
هو معاهم حق بس زى ما انت اقولت مش يقفلوا الطريق غلط
انا حاسس ان حسنى مبارك هو اللى لسه بيحكم ربنا يستر
إرسال تعليق